Lyfjaafleiður, starfsánægja og Gestur lesandi vikunnar

Fyrir kemur að aukaverkun af lyfi reynist mjög gagnleg gegn allt öðrum vandamálum eða sjúkdómum en lyfið var upprunalega þróað fyrir. Aukaverkanir af svona toga eru einmitt til rannsóknar þessa dagana hjá Lífvísindasetri Háskóla Íslands og nú er verið að skoða hvernig og hvort breiðvirka sýklalyfið azitró-mýcín, geti hjálpað þeim sem glíma við alvarlega húðsjúkdóma. Sumsé getur verið að þekkt sýklalyf verði grunnur að nýju lyfi gegn húðsjúkdómum? Það er Þórarinn Guðjónsson prófessor og forseti Læknadeildar HÍ sem leiðir þetta rannsóknarverkefni. Þórarinn kom í þáttinn í dag og sagði frá. Valdimar Þór Svavarsson verður með okkur á þriðjudögum núna í júní. Hann er ráðgjafi hjá Fyrsta skrefinu, í síðustu viku talaði hann um meðvirkni en í dag ætlar hann að tala við okkur um starfsánægju. Hvað þarf til þess að starfsfólki líði vel á vinnustað? Valdimar veit meira um það og sagði frá í þættinum í dag. Lesandi vikunnar í þetta sinn var Gestur K. Pálmason, hann er stjórnendaþjálfari, fyrrverandi lögreglumaður og lauk nýlega MBA námi, þar sem hann fjallaði um tengsl- og tengslanetsgreiningar á vinnustöðum með hliðsjón af nýsköpun og færni vinnustaða til að halda í gott starfsfólk í flóknari heimi. Gestur sagði frá því hvaða bækur hann hefur verið að lesa undanfarið og hvaða bækur og höfundar hafa haft mest áhrif á hann í gegnum tíðina. _________________________________________ Tónlist í þættinum: Lína Dröfn - Spilverk þjóðanna. Lag og texti eftir Valgeir Guðjónsson og Sigurð Bjólu Garðarsson Norwegian Wood e. Lennon og McCartneyt í flutningi Berliner Philharmoniker, Zwölf Cellisten. Mary don't you weep í flutningi The Swan Silvertones. UMSJÓN: GUNNAR HANSSON OG GUÐRÚN GUNNARSDÓTTIR

Om Podcasten

Um litróf mannlífsins. Umsjón: Guðrún Gunnarsdóttir og Gunnar Hansson.