Íslenskuvænt samfélag, Demantshringurinn og hlaðvörp

Við kynntum okkur íslenskuátakið Íslenskuvænt samfélag, sem hefur verið ýtt úr vör hjá Háskólasetri Vestfjarða. Við heyrðum í Ólafi Guðsteini Kristjánssyni í þættinum, en hann er umsjónarmaður íslenskunámskeiða Háskólasetursins. Samkvæmt þeim í Háskólasetrinu hafa Vestfirðir, og þá ekki síst Ísafjörður, fengið það orðspor á sig að þar sé gott að spreyta sig á íslensku fyrir þau sem eru að læra málið. Háskólasetur Vestfjarða staðið fyrir íslenskunámskeiðum frá árinu 2007, fyrir þau sem vilja læra málið. Þar er vel tekið á móti þeim sem sem eru að læra að beita íslenskunni og lögð áhersla á að nemendurnir fái tækifæri til að nota málið á meðan þeir eru að læra það. Ólafur sagði meira frá þessu í þætti dagsins. Við höfðum einni samband við Anton Birgisson, leiðsögumann hjá Geotravel í Mývatnssveit, og fengum hann til að segja okkur frá Demantshringnum, 250 kílómetra löngum hringvegi á Norðurlandi þar sem er að finna náttúruperlur og landslag sem virðist oft ekki vera af þessum heimi. Það er Gullni hringurinn fyrir sunnan og Demantshringurinn fyrir norðan. Svo kom Ása Baldursdóttir, sérfræðingur þáttarins í hlaðvörpum og sjónvarpsþáttum, til okkar. Í dag fjallaði Ása um hlaðvarp sem fjallar um innrásina í Hvíta Húsið 6.janúar 2021, í kjölfar úrslita forsetakosningana í Bandaríkjunum. Kamelljónið, hlaðvarp um tvo villta unga drengi sem birtust allt í einu í mannabyggð og heimildamynd úr smiðju HBO um dularfullt slys þar sem ekki er allt sem sýnist. Hlaðvörpin heita The Coming Storm (BBC Sounds, BBC 4) og Chameleon: Wild Boys (Campsite media) og heimildarmyndin heitir There?s Something Wrong With Aunt Diane (HBO). Tónlist í þættinum: Betri tíð e. Valgeir Guðjónsson og Þórð Árnason í flutningi Hildar Völu Einarsdóttur. Má ég pússa regnbogann e. Jeff Bates og Jónas Friðrik Guðnason í flutningi Brimkló. Ómissandi fólk e. Magnús Eiríksson í flutningi Bríetar. UMSJÓN: GUNNAR HANSSON OG GUÐRÚN GUNNARSDÓTTIR

Om Podcasten

Um litróf mannlífsins. Umsjón: Guðrún Gunnarsdóttir og Gunnar Hansson.